التقييد الإحتياطي في العقار المحفظ موضوع النزاع

عندنا عقار محفظ يتنازعوا عليه شخصين كل واحد فيهم يقول أنه ملكه، واحد منهم مثلا عاملو تحفيظ في المحافظة يعني يمتلك الرسم العقاري للملك، لكن الشخص الثاني عندو غي عقد  شراء عادي ويدعي أنه يمتلك تلك العقار  كذلك،  هنا يتدخل القضاء ليفصل بينهم، لكن الشخص الثاني يخاف أن يتم بيع تلك العقار من طرف الشخص الاول في تلك المدة لي عيستغرقها النزاع عند القضاء، هنا  يجي عليه أن يتوجه للمحافظة لكي يعمل عليه تقييد احتياطي《على الملك المتنازع عليه》 وكيدعي بلي عندو حق فيه وبلي ديالو ديك العقار وشاريه وعندو عقد الشراء، هنا المحافظ ينظر فديك عقد الشراء ويعمل البحث ديالو باش يعرف المصداقية ديال ديك العقد، يعني كينوض نزاع على ديك الملكية بين 2 اشخاص، وهاد التقييد يحمي تلك الشخص الثاني من مورا الحكم ديال المحكمة من ضياع الحق ديالو مثلا فحالة بيع العقار من الشخص الاول ولا اذا ظهرو شي اشخاص اخرين كيدعيو بلي حتا هوما عندهم حق في تلك العقار موضوع النزاع، مثلا حتى هما عندهم عقد شراء، ولا ورثة، ولا شي هبة ولا تنازل ولا صدقة ....

وكاين لي كيشري شي عقار محفظ وكيمشي على نيتو يحفظو كيصدق كيقولو المحافظ بلي ناقصة عندك شي وثيقة ولا هاد العقار راه نايض عليه شي نزاع ولا دعوة في المحكمة بين اشخاص اخرين ورثة ولا ملاك مثلا، كيصدق ديك الشخص كيضطر انه يعمل تقييد احتياطي على ديك العقار باش يضمن الحق ديالو فحالة تم البيع ديالو مرة ثانية ولا حكمت المحكمة لاشخاص اخرين باش يتملكوه.

وكاين حالة اخرى يقدر يكون صاحب العقار عامل مع شخص أخر عقد وعد بالبيع  وفي تلك المدة قام ببيع نفس العقار لشخص اخر، هنا يمكن للشخص الأول أن يقوم بتقييد احتياطي والإدلاء بحجة البيع الأولي 《ورقة الوعد بالبيع الأولي》 للمحافظ العقاري لكي ينصفك ويضمن لك حقوقك وواجباتك القانونية .

وهاد التقييد الاحتياطي كيعطي دائما الاسبقية للشخص لي قام بيه هو الاول، وهنا ملي كيتبين ان الحق ديالو فملكية ديك العقار كيرجعو للتاريخ ديال التقييد ويشوفو فوقاش قيدو، يعني ديك لي عملو التقييد من موراه مكيديو والو حيت هو كيكون عندو اسبقية عليهم .

 المهم هاد التقييد الاحتياطي مسألة مهمة جدا في ضمان الحق المتنازع عنه حول العقار المحفظ موضوع النزاع .